Абактагылар сабалганы тууралуу маселе Жогорку Кеңеште да көтөрүлдү. “Женго” каймана аттуу уюшкан кылмыштуу топтун мүчөсү Кадырбек Досонов сабалганы айтылып, Жаза аткаруу кызматы аны четке какты. Бишкек акыркы бир нече күндөн бери абасы кир шаарлардын сап башынан түшпөй келатат. Тургундар борбордогу экологиялык абалга нааразы болуп жатса, Өзгөчө кырдаалдар министринин орун басары “Бишкекте мурдагыдай ыш жок” деп айтты.